ജാതി മത രാഷ്ട്രീയ ചേരി തിരിവുകളില്ലാതെ കൗമാര സർഗ്ഗവൈഭവത്തിന്റെ മാറ്റുരക്കുന്ന 25 വേദികളാണ് സാംസ്കാരിക നഗരിയിൽ നിറനിലാവായി തുടക്കമിട്ടിട്ടുള്ളത്. സൂര്യകാന്തി, പാരിജാതം, നീലക്കുറിഞ്ഞി, പവിഴമല്ലി,ശംഖുപുഷ്പം, ചെമ്പകം, മന്ദാരം, കനകാംബരം, ഗുൽമോഹർ, ചെമ്പരത്തി, കർണ്ണികാരം, നിത്യകല്യാണി, പനിനീർപ്പൂ,നന്ത്യാർവട്ടം , താമര, വാടാർമല്ലി, മുല്ലപ്പൂവ് , ആമ്പൽപൂവ്, തുമ്പപ്പൂവ്, കണ്ണാന്തളി, പിച്ചകപ്പൂ, ജമന്തി, തെച്ചിപ്പൂ , താഴമ്പൂ, ചെണ്ടുമല്ലി എന്നീ പുഷ്പങ്ങളുടെ പേരുകളിലാണ് വേദികൾ സജ്ജമാക്കിയിട്ടുള്ളത്.
2026 ജനുവരി 14 മുതൽ 18 വരെ പുതുപുത്തൻ കലാ പ്രതിഭകളെ വാർത്തെടുക്കാനുള്ള അത്യപൂർവ സംഗമ വേദികളിൽ പ്രോത്സാഹനത്തിന്റെ പൂച്ചെണ്ടുകളുമായി നിറഞ്ഞ മനസ്സോടെ തൃശൂർ നഗരത്തിൽ നമുക്കും ഒന്നിക്കാം
